VİDEO GALERİ
FOTO GALERİ
BİZİMLƏ ƏLAQƏ QUR
YAZARLAR
UTV Info - utvinfo.org

@ Xəbər Tarixi : 13 Eylül 2019 11:50:55

0 Şərh

Dəfə Oxundu.

Vüsal Hüseynov əmək bazarının milliləşdirilməsi barədə: Enerji sektorunda 90 faizdən yuxarıdır

Vüsal Hüseynov əmək bazarının milliləşdirilməsi barədə: Enerji sektorunda 90 faizdən yuxarıdır

Əmək bazarının milliləşməsi dövlətimizin yanaşmasından biridir. Xüsusən, enerji və neft sektorunda bu layihə uzun müddətdir icra edilir. Yüksək nəticələr var. Sevindirici haldır ki, enerji sektorunda bu hal 90 faizdən yuxarıdır. 

UTVİNFO-nun məlumatına görə, bunu jurnalistlərə açıqlamasında Dövlət Miqrasiya Xidmətinin rəisi Vüsal Hüseynov bildirib.

Onun sözlərinə görə, əməkçi bazarının dinamikasına baxsaq, milliləşmə tədbirləri öz nəticəsini verir:

“Çünki illər üzrə bu kvota daha yüksək idi. Burada yanaşma ondan ibarət deyil ki, hansısa sahibkarlıq subyekti və ya bazarı sıxışdırılsın. Əvvəllər hər hansı tikinti və ya səhiyyə sektorunda əcnəbilər var idi və bu gün onları yerli mütəxəssislər əvəz edirsə, bu nəticə olaraq milliləşmənin göstəricisidir.

İllər əvvəl mühəndislər cəlb olunurdusa, indi bizim öz mütəxəssislərimiz var. Bu da təbii ki, kvotaya təsir edir. Çünki əcnəbilər üçün iş icazəsi alınır.  Altı aylıq iş icazəsi üçün dövlət rüsumunun qiyməti 500 manat, 1 illik rüsumun qiyməti isə 1000 manatdır”.

V. Hüseynov qeyd edib ki, əməkçi miqrantların ölkədə status almağı üçün iki qayda var:

“Birincisi, iş icazəsindən azad olan şəxslər var. Daimi yaşama icazəsi olan və yaxud da Azərbaycan vətəndaşı ilə nikahda olan şəxslər iş icazəsindən azaddırlar. Ancaq onlar da əcnəbi əməkçi miqrant hesab olunur. Bildiyiniz kimi bu il Nazirlər Kabineti tərəfindən 6800 kvota müəyyənləşdirilib. Biz çalışırıq ki, bu kvotanın mövcudluğu heç bir sahibkarlıq subyekti üçün gərginlik yaratmasın. Hətta kvota çatdığı təqdirdə hökumət tərəfindən təkrar baxıla bilər”.

Hələki Bu Xəbər Üçün Şərh Yoxdur
Adınız Soyadınız
Güvenlik Kodu
Yazar Məlumatları

Ali  Eynalov Ali Eynalov aliutvinfo.org Bütün Yazıları

BƏNZƏR XƏBƏRLƏR